23:51:21
افغانستان میں فوج کے دو ہیلی کاپٹروں میں ٹکر،15 افراد ہلاک
 175
14 Oct, 2020 11:38 am

کابل : افغانستان کے صوبہ ہلمند کے ضلع ناوا میں فوج کے دو ہیلی کاپٹروں کی ٹکرمیں کم از کم 15 افراد ہلاک ہوگئے۔
ٹولہ نیوز نے سکیورٹی فورسز کے ذرائع کے حوالے سے بتایا ہے کہ منگل کی رات کو افغان فضائیہ کے دو ہیلی کاپٹر جنوبی ہلمند کے ضلع ناوا میں گر کر تباہ ہوگئے۔ اس حادثے میں کم از کم 15 افراد کی موت ہوگئی ہے۔
ذرائع کے مطابق یہ حادثہ اس وقت پیش آیا جب ہیلی کاپٹر کمانڈوز کو نیچے لے جارہے تھے اورزخمی سکیورٹی فورسز کو لے جارہے تھے۔
ایک اور ذریعے نے بتایا کہ اس حادثے میں آٹھ افراد کی موت ہوئی ہے۔
وزارت دفاع نے اس حادثے پر ابھی تک کوئی تبصرہ نہیں کیا ہے۔ صوبائی گورنر کے ترجمان عمر ذواق نے ضلع ناوا میں ہونے والے حادثے کی تصدیق کی ہے لیکن تفصیلات نہیں بتائیں۔

  • khan
    پندره نهی ته. ۹ ته.

Original text