23:51:21
مودی حکومت کی سفارتی ناکامی کا نتیجہ ہے فوجیوں کی شہادت: دانش علی
 165
17 Jun, 2020 02:31 pm

نئی دہلی: بی ایس پی کے لیڈر اور رکن پارلیمنٹ دانش علی نے کہا کہ مودی حکومت کی سفارتی ناکامی کی وجہ سے لداخ کے گلوان وادی میں فوجیوں کی شہادت ہوئی ہے۔ امروہہ سے لوک سبھا رکن علی نے ٹویٹ کر کے بدھ کو حکومت کی پالیسیوں پر سوال کھڑا کیا ہے۔ انہوں نے کہا کہ سرحد کی حفاظت میں شہید ہونے والے 20 بہادر جوانوں کو میں سلام کرتا ہوں۔ فوجیوں کی شہادت مودی حکومت کی ناکامی کا ثبوت ہے۔ حکومت کو حقیقی لائن آف کنٹرول کی حالت پر بحث کرنے کےلئے کُل جماعتی میٹنگ بلانی چاہئے۔ حکومت کی طرف سے مواصلاتی فرق کی وجہ سے کئی طرح کی افواہیں پھیلتی ہیں۔ واضح رہے کہ مشرقی لداخ علاقے میں حقیقی لائن آف کنٹرول پر پیر کی رات گلوان وادی میں چینی فوج کے ساتھ جھڑپ میں ہندوستان کے 20 فوجی شہید ہوگئے ہیں۔

Original text